§¤^ رومـــانسيــه آخر حـــاجــه §¤^

**Mr.BeLaL.MoKa** · 09-04-2010, 06:32 PM

حـــاجــه, رومـــانسيــه

::.. رومانسيه اخر حاجة ..::

هو وهى يسيران ع الكورنيش ف عز الحر ... والشمس محرقة
و يا صباح العرق
هي : عطشانة
هو : وأنا كمان .
هي : يعنى ... عايزة اشرب!
هو : أكيد ما دام عطشانة يبقى عايزة تشربي .
هي : المفروض – بما أن عندك إحساس يعنى – إني لما أقولك عطشانة تجيب لي حاجة ساقعة .

هو : ومين اللي هيحاسب ؟؟
هي : أنت طبعاً .
هو : منين ياحسرة .. ماانتى عارفة الكانز وغطاه .
هي : ما قلتش عايزة كانز .. كفاية إزازة صاروخ .
هو : طب لو هاتجيبى اعزمينى معاكى .
هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟
هو : عندك الكورنيش كله .. اختاري الرصيف اللي يعجبك .
هي : قصدي تعزمنى في مكان شاعري .
هو : في الحر ده .. ماينفعش .
هي : بلاش دى .. نأخد مركب عالكورنيش .
هو : المراكب بتغرق اليومين دول .. خلينا ع البر أحسن .
هي : بلاش المركب تعالى نأكل ترمس .. أظن ده رخيص .
هو : إنتى تضمني منين إن الراجل غاسل إيده وغاسل الترمس .
هي : أعوذ بالله .. إنت مقفلها كده ليه ؟؟
هو : بصراحة معييش فلوس .
هي :يا سلام !! .. ماأنت كان معاك إمبارح .
هو : إمبارح دخلت سينما مع مُزة حلوة كده فالفلوس خلصت .
هي : مزة ؟؟!! وبتقولها في وشى .
هو : أكذب عليكى يعنى .
هي : لأ .. تحرق دمى أحسن .
هو : أنا مش شامم حاجة .
هي : يخرب بيت البرود .
هو : برود إيه ؟؟ ماهو الجو مولع أهو .
هي : إنت اللي بارد .
هو : بارد إزاى ؟؟ دا أنا بشُر عرق .
هي : بقولك إيه .. روحنى .
هو : أروحك ؟! هو إنتى ماتعرفيش تروحي لوحدك .
هي : آآآآه .. طب أنا ماشية .
هو : ليه يا حبيبتي؟؟
هي : حبك برص .
هو : الله يسامحك .. ميرسى .
هي : بجد كده كتير .
هو : كتير إيه ؟؟
هي : إرحمنى .. واضح إن الحر بيجى معاك بالعكس .. يا بارد .
هو : يعنى مصممة تمشى ؟؟
هي : أيوة وحالاً كمان .
هو : طب استني لما نوصل آخر الشارع .
هي : اشمعنى ؟؟
هو : أصل أنا ساكن هناك .. و مايرضكيش أروح لوحدى .
هي : يا نااااااااااااااااااااااس.. إلحقونى.. الواد ده بيعاكسنى .
مش هى دى برضه الرومانسيه ولا ايه !!

اتمنى تكون عجبتكم ... لكم حبى و ودى

Mr >> BeLaL > MoKa

المصدر: منتديات حروف «•» 7RuF ForumS - من قسم: شعر - خواطر - قصائد - قصيدة - بيت شعر - الشعر العربي

§¤^ v,lJJJhksdJJi Nov pJJJh[JJi

المصدر: منتديات حروف «•» 7RuF ForumS - من قسم: شعر - خواطر - قصائد - قصيدة - بيت شعر - الشعر العربي

§¤^ v,lJJJhksdJJi Nov pJJJh[JJi §¤^ v,lJJJhksdJJi Nov pJJJh[JJi