خلاويص..خلاص...خلاويص بقة
ياللي إنتو جيبتولنا الشقا
ماشيين فى سكة ..... مبهوأه
والناس يا عينى مصدقة
ونزل عليها... بهأهأه
شبعوا... قوالة وتريقة
ولا حاجة فيكو محوأة
خلاويص .. خلاص .. خلاويص بقة

عاملين من النصاب ولي
ومن الشمام شهيد مبتلى
بقى شكلكم يكسف قوي
شحات وعامل فنجري
وأهبل وعامل فهلوي
وضحك علية المفتري
خلاكو فرجه ومهزأة
خلاويص .. خلاص ..خلاويص بقة

تستقبلو وتودعو
وبتكدبو .. وبتنخدعو
وبتصرفو .. وتبعزقو
متقولش ورث سبهالله
لو مال قارون .. ما هتشبعو
وادى دقنى اهى لو تنفعو
خلاويص .. خلاص .. خلاويص بقة

يا مبدعين يا مروقين حالكم اوى
يا خوانا إية بس العمل
جبتولنا فـ عقولنا الحول
ما تصلوا بينا ع النبي
وكفايه شغل المنظره
تطلع مظاهره مبرفنه

الواد فى شعره مزحلقو
والموزه فيها يبحلقوا
ويصورا ويرفعوا
ع الفيسبوك فينا يمتعوا

الفاتحه لجدى زغلله
ايامه كانت قندله
عسكر بتجرى بهرجله
يلموا فيهم بافترى
وفجأه يخرج زغلله
من جوه جوه السندره
يهبد بشومه عسكرى
يجيبوا برضو بافترى

يا مدعين الفهلوه
انتوا ناس فيكو العبر
برميل سذاجه وانفجر
هتفوقوا ولا فى الموزز
هتفضل عيونكو مبحلقه ؟؟
خلاويص.... خلاص ...... خلاويص بقة

*******************

دى حاجه اييييوووف


oJJJJJJgh,dJJJw fJrJJn



oJJJJJJgh,dJJJw fJrJJn oJJJJJJgh,dJJJw fJrJJn